Børn og ung

Vinnurekandi skulu vísa serlig atlit, tá marknaðarført verður mótvegis børnum og ungum, tí børn og ung eru løtt at ávirka, og vanta royndir og evni til at meta um ymisk viðurskifti. Børn og ung og serliga yngri børn megna ikki, ella hava trupulleikar við at gjøgnumskoða og meta um marknaðarføring. Sambært § 8, 2. stk. í marknaðarføringslógini, má marknaðarføring, ið vendir sær til børn og ung ikki beinleiðis ella óbeinleiðis eggja til harðskap, rúsevnisnýtslu, herundir alkoholnýtslu, ella til aðra vandamikla ella fyrilitaleysa atferð.

Ofta spurt

Mál og avgerðir

Ofta spurt Mál og avgerðir

Marknaðarføring til børn og ung

Marknaðarføring, ið er rættað mótvegis børnum og ungum undir 18 ár, er undirløgd serligum reglum í marknaðarføringslógini. Børn og ung eru ofta lættari at ávirka, og serligu reglurnar eru fyri at verja ungu brúkarnar.

Ómyndug og avtalur

Børn og ung undir 18 ár kunnu ikki skuldarbinda seg. Hetta merkir eitt nú, at børn og ung kunnu ikki stovna hald í eini venjingarstøð ella einum telefelagi, uttan samtykki frá foreldrunum.

Børn sum seljarar

Vinnurekandi mugu í útgangsstøði ikki brúka børn og ung í sølu- og marknaðarætlanum. Heldur ikki mugu børn og ung brúkst til at fáa fatur á teirra familjulimum ella vinum.

Góður siður

Sjálvt um marknaðarføringin ikki er í stíð við ásetingina í § 8 um børn og ung í marknaðarføringslógini, kann marknaðarføring eftir umstøðunum kortini vera í stríð við § 1 um góðan marknaðarføringssið.