Fjaldar lýsingar

Fjald lýsing er bannað. Lógin krevur, at marknaðarføring skal verða orðað og víst fram soleiðis, at hon týðiliga er sum marknaðarføring í útsjónd. Tað ber við sær, at um tú leggur út lýsing ella marknaðarføring á rásir ella á støð, sum eisini hava annað slag av innihaldi, mást tú síggja til, at marknaðarføringin greitt og týðiliga skilur seg burtur úr hinum innihaldinum. Hetta er galdandi, hóast tú kanst svara fyri tað, tú leggur út, og tað er galdandi bæði fyri jaliga og neiliga umrøðu.

Ofta spurt

Vís
Ofta spurt

Fjaldar lýsingar - generelt

Brúkarar skulu hava álit á, at lýsing framstendur sum ein lýsing. Brúkarin skal hava hesa kunning samstundis, sum hann sær lýsingina, og tað skal ikki vera neyðugt hjá brúkaranum at lesa alla greinina ella at leita eftir lýsingafrámerkinum

Sosialir miðlar

Á sosialum miðlum verða persónlig tilmæli og lýsingar ofta samantvinnaði við tilfari, sum hevur vinnuligt endamál. Tá brúkarin ferðast á sosialum miðlum, skal hann kunna síggja, nær talan er um lýsing og ikki.

Fjaldar lýsingar í bløðum

Redaktionelt tilfar, grunda á journalistisk atlit og sum hevur kunningarvirði, skal greitt vera skilt frá lýsingum. Lesarin skal ikki vera í iva, um hann lesur eina redaktionella grein ella um hann lesur eina lýsingagrein.