Avtalur, ið tú gert sum brúkari

Tú kanst gera eina munnliga ella eina skrivliga avtalu. Munnliga avtalan er eins bindandi sum tann skrivliga, men tað kann gerast trupult at prógva avtaluna. Tað er tískil ein fyrimunur at gera skrivligar avtalur.


At angra eina avtalu

Ein bindandi avtala merkir, at tann, ið ikki heldur sín part av avtaluni, hevur eina endurgjaldsábyrgd og skal rinda hinum partinum eitt møguligt tap orsakað av, at avtalan ikki varð hildin. Onkrar avtalur innihalda ein rætt til at angra. Hetta kann t.d. vera, at til ber at angra avtaluna í eitt ávíst dagatal eftir at avtalan tekur við.