Ofta settir spurningar um Spamm (óumbidnar áheitanir)

Hvat er í gildi?
§ 6, stk 1 í lógini um marknaðarførslu hevur eitt forboð ímóti, at vinnurekandi senda onkrum, ið ikki hevur biðið um tað, elektróniskan post við marknaðarførslu, t.d lýsingapost. Forboðið verður ofta nevnt “spammforboðið”.

Niðanfyri fær tú fleiri spurningar um spammreglur svaraðar.

Tú kanst eisini lesa um spammreglurnar í okkara spammvegleiðing:http://bruk.fo/wp-content/uploads/2015/03/Leiðreglur-um-óumbidnar-áheitanir.pdf

Ætlar tú at melda spamm, klikk so her: http://bruk.fo/um-brukaraumbodid/kaera-um-spamm/


Er loyvt at lata ein samtykkisrút verða merktan frammanundan?

Svar: Nei. Er ein teigur, har samtykki kann verða givið til at taka ímóti marknaðarførslu, avmerktur frammanundan, er vandi fyri, at eingin varnast hann. Tá ið eitt samtykki skal verða “kunnað”, áðrenn tað verður brúkt, er eitt samtykki, sum er fingið við at krossa rútin av frammanundan, ikki lógligt at brúka.