Prísir og útsagnir um sparing

Vinnurekandi skulu geva rættar prísupplýsingar, tí prísurin er eitt týdningarmikið parametur, tá borgarin skal samanlíkna vørur, og fyri at tryggja ein tryggan og rættan marknað millum vinnurekandi.

Umhvørvislig - og etisk uppáhald í marknaðarføringini

Um brúkarin skal kunna velja á tilvitaðum og upplýstum grundarlagi, hevur tað stóran týdning, at vinnurekandi geva rættar og vegleiðandi upplýsingar um vøruna og hennara etisku og/ella umhvørvisligu fyrimunir.

Samanberandi lýsingar

Samanberandi lýsing merkir, at ein vøra ella tænasta hjá einum vinnurekandi verður samanborin við vøru ella tænastu hjá einum øðrum vinnurekandi. Samanberandi lýsing er loyvd í ávísum førum, men tað eru strangar treytir til slíkar lýsingar.

Brúkaraummæli

Nógvir borgarar kanna ummæli á netinum um tann handilin ella tað hotellið m.v., sum teir umhugsa at keypa frá áðrenn teir keypa. Tað er tí av týdningi, at brúkararnir kunnu líta á ummælini, og at hesi eru røtt.

Útsagnir um heilsuligar fyrimunir

Verður marknaðarført við, at vøra hevur heilsuligar fyrimunir ella gevur heilsubatar, skulu hesar útsagnir kunna skjalprógvast. Megnar tann vinnurekandi ikki at skjalprógva tær, er talan um villleiðandi marknaðarføring.