Mynd av hamburgarabúffum samsvaraði ikki við vøruna í tilboðsblaði

Borgarin metti, at talan var um eina skeiva og villleiðandi lýsing, tí myndin í tilboðsblaðnum vísti á stórar og lekkrar hamburgarabúffar, men teir sum vóru uppá tilboð vóru ikki meira enn 0,5 cm í tjúkt, og vóru sum heild lítlir.

Brúkaraumboðið valdi at taka málið upp, tí mett varð ikki, at myndin gav eina rættvísandi mynd av vøruni, ið lýst varð fyri.

Eftir áheitan frá Brúkaraumboðnum, fór handilin at tryggja sær, at hetta ikki hendi aftur.